Wara l-attakk tal-1551 mill-Imperu Ottoman fuq il-Gżejjer Maltin, l-Ordni ta’ San Ġwann iddeċieda li jibni forti fil-peniżola li dak iż-żmien kienet magħrufa bħala Isola di San Michele. Il-belt fortifikata tal-Isla nbniet aktar tard madwar il-forti. Fl-Assedju l-Kbir, il-forti rreżista 10 attakki mill-Imperu Ottoman iżda għalkemm sofra diversi danni estensivi qatt ma waqa’ f’idejn l-għadu. Wara l-Assedju l-forti nbena mill-ġdid bħala St Michael Cavalier u tlesta fl-1581. Illum il-ġurnata mil-forti San Mikiel fadal biss il-bastjuni ta’ barra li għandhom l-għan li jfakkruna fl-iskop u sit oriġinali tal-fortizza.
![](https://www.kottonera.mt/wp-content/uploads/2021/10/Cottonera-Lines-1024x680.jpg)
- Fortifikazzjonijiet ·